|
Catholicam sententiam de originali peccato a se in primo libro de
Nuptiis et Concupiscentia explicatam suscipit defendendam contra
Julianum, qui eam quatuor grandioribus libris insectari ausus, in
ejus defensores Manichaeorum nuncupationem conferre non vereatur.
Hanc exsecrabilem criminationem in clarissimos quosque Patrum tam
graecorum quam latinorum recidere ostendit Augustinus, allatis in eam
rem ipsorum testimoniis, cum responsione ad illa nominatim Basilii et
Joannis Chrysostomi loca, quae suffragari sibi Julianus putat.
Extrema parte libri monstrat, Manichaeorum haeresim temerariis
quibusdam Juliani ipsius sententiis plurimum adjuvari.
|
|
