CAPUT LVI.

127. PETIL. dixit: Quod et si, ut ipsi putatis, Domini legem pure sequimini, de ipsa lege sanctissima legaliter disputemus. Dicit apostolus Paulus,

“Bona est lex, si quis ea legitime utatur”

(I Tim. I, 8). Lex ergo quid dicit?

“Non occides. ”

Quod semel fecit Cain parricida, vos fratres saepius occidistis.

128. AUG. respondit: Similes vobis esse nolumus: nam non desunt quae dicantur, sicut et tu ista dicis, et quae sciantur, nam ista tu nescis; et quae ostendantur, nam tu ista non ostendis.