|
JUL. Subjunxit, in eo regnasse mortem, in quo
omnes peccaverunt: quo sermone, non nascentis ruina, sed opera
agentis expressa est. Approbavit se itaque pravitatem arguere, nec
innocentiam sauciare.
AUG. In illo peccaverunt omnes, in quo moriuntur omnes: cujus a
contrario forma est, in quo vivificantur omnes. Sicut autem in Adam
omnes moriuntur, sic in Christo omnes vivificabuntur (I Cor.
XV, 22). Quod ideo dictum est, quia sicut nemo nisi per Adam
vergit in mortem, ita nemo nisi per Christum surgit in vitam. O homo
qui nihil potes dicere, posses saltem tacere!
|
|
