|
JUL. Mors autem judicialis transiit in eo quo
peccaverunt omnes, sed libera voluntate: quo verbo, id est, omnes,
Scripturarum more multitudo, non universitas indicatur.
AUG. Frustra recta verba torquere, et clara obscurare conaris.
In eo peccaverunt omnes, in quo moriuntur omnes: ipse est Adam, in
quo si parvuli non moriuntur, profecto nec in Christo vivificabuntur:
sed quoniam sicut in Adam omnes moriuntur, ita et in Christo omnes
vivificabuntur (I Cor. XV, 21); ideo qui volunt haec verba
pervertere, ipsi eis manentibus evertuntur.
|
|
