CAPUT CXVIII

JUL. Sic enim et in illo opere quod Romam misisti, disputas:

“Voluntas quae libera in malis est, libera in bonis non est.”

AUG. Cur non addis quod ibi legisti,

“si liberata non est”

(Contra Duas Epistolas Pelagianorum, lib. 1, n. 5)? Aut quid est quod ait Dominus, cum de fructibus palmitum, hoc est de bonis actibus loqueretur, Sine me nihil potestis facere (Joan. XV, 5); nisi quia nemo ad bene agendum, quem non ipse liberat, liber est?