|
JUL. Rectius enim accipit nomen mali quam boni unde
erubescunt mali et boni; meliusque credimus Apostolo, qui dicit,
Quia non habitat in carne mea bonum (Rom. VII, 18), quam
huic, qui hoc dicit bonum.
AUG. Non erat magnum, et istam de libro meo implere sententiam.
Ego enim dixi: Quam huic, qui hoc dixit bonum, unde si
confunditur, confitetur malum; si autem non confunditur, addit
impudentiae pejus malum (De Nuptiis et Concupiscentia, lib. 2,
n. 36). Sed nescio cur haec non posueris, cum similiter eis
posses non respondere, sicut aliis, quae tanquam refellenda
posuisti, nec attingere voluisti.
|
|
