|
JUL. Concupiscentiam autem carnis ad conciliandum
sexibus fecunditatis negotium, a Deo inditam creatore corporum, non
nisi a Manichaeo accusari, scriptorum ejus insertione perdocui.
AUG. Concupiscentiam carnis, quam malam esse docet Scriptura
divina, per illam quippe caro concupiscit adversus spiritum.
(Galat. V, 17), vos adjuvantes Manichaeos, Deo coaeternae
genti tribuere tenebrarum, dum non vultis eam pertinere ad originale
peccatum, et in Dei paradiso audetis insuper collocare evidentissimis
documentis, et divinae auctoritatis et sobriae rationis ostendimus.
|
|
