|
JUL. Videamus tamen quid sententiarum mearum arripueris,
quod nomine erroris incessas.
inquis,
|
“in his omnibus
nominare noluit concupiscentiam carnis, quae non est a Patre, sed ex
mundo est; cujus mundi princeps dictus est diabolus: qui eam in
Domino non invenit, quia Dominus homo non per ipsam ad homines
venit”
|
|
(De Nuptiis et Concupiscentia, lib. 2, n. 14).
Dixisti certe me haeresim introducere, ad quod probandum nulla mea
dicta subjungis.
AUG. Illa dicta tua subjungo, quibus interrogasti,
|
“quid suum
diabolus cognoscat in sexibus.”
|
|
Dolose quippe ista dicebas, quando
concupiscentiam carnis, cujus plerumque motibus necesse est resistere
etiam casta conjugia, videbas, et tacebas, et me interrogatione
fraudulentissima, quasi nihil esset quod responderi posset, urgebas.
Aut si non videbas, profecto haeresim vestram ipsa caecitate
introducebas.
|
|
