|
Hortatur et instituit ad decertandum christiana pugna cum diabolo.
Hunc vinci a nobis ac subigi, quando vincuntur cupiditates et corpus
in servitutem redigitur; ipsum vero corpus servituti subjici docet, si
nos ipsos subjiciamus Deo, cui creatura omnis aut voluntate servit aut
necessitate. Subsidio fidei munitam esse humanam imbecillitatem,
eique per Filium Dei carnem factum quam opportuno remedio subventum
esse ostendit. Postea catholicae fidei capita singula Symbolo
comprehensa percurrens, exortas varias in eam haereses detegit et
vitari jubet.
|
|
