|
Tumor dicit, Testem habes Deum in coelis, non sit tibi curae quid
de te suspicentur homines in terris. Sed humilis satisfactio
respondet, Non est danda detrabendi occasio, non susurrandi
suspicio: sed si aut sunt quae corrigantur, manifestanda; aut certe
si desunt, humili protestatione neganda: quia et Apostolus monet
nullam occasionem dare diabolo maledicti gratia (I Tim. V,
14). Quod etiam in illis detestatus est, qui christiana fide
censentes , in idolio ad comedendum recumbebant. Et quanquam ipsi
idolum pro nihilo ducentes, immolata quasi innoxios cibos sumerent;
infirmas tamen fratrum conscientias per hoc factum ad nefandos idolorum
ritus trahebant (I Cor. VIII, 4-13).
|
|
