|
Torpor vel ignavia dicit, Si lectioni continuato studio semper
insistis, oculorum caliginem incurris: si indesinenter lacrymas
fundis, ipsos etiam oculos amittis: si protelatis vigiliis psalmorum
censum persolvis, insaniam capitis acquiris: si quotidiano labore te
conficis, ad opus spirituale quando consurgis? Sed virtutis
exercitium respondet, Quid tibi ad haec proferenda tam longa temporum
proponis spatia? Numquid scis si crastina vivas? Imo etiam si vel
unam horam in hac vita facias, ignoras. An forte mente excidit quod
Salvator in Evangelio dicit, Vigilate, quia nescitis diem neque
horam (Matth. XXV, 13)? Quapropter discute corporis
inertiam, semperque memento, quia regnum coelorum non tepidi, non
molles, non desides, sed violenti vimque facientes (a) diripiunt.
|
|
