|
78. Sequitur Matthaeus, et dicit: Et factum est, cum
consummasset Jesus, praecipiens duodecim discipulis suis, transiit
inde, ut doceret, et praedicaret in civitatibus eorum. Joannes autem
cum audisset in vinculis opera Christi, mittens duos de discipulis
suis, ait illi: Tu es qui venturus es, an alium exspectamus?
etc., usque ad illud ubi ait, Et justificata est sapientia a filiis
suis (Matth. XI, 1-19). Hunc totum locum de Joanne
Baptista, quod miserit ad Jesum, et cujusmodi responsum acceperint
illi quos misit, et quidquid post eorum abscessum de Joanne Dominus
dixit, interponit et Lucas (Luc. VII, 18-35): non quidem
ipso ordine, sed quis eorum recordationis suae, quis rerum ipsarum hic
ordinem teneat, non apparet.
|
|
