CAPUT LII. De fermento Pharisaeorum, quomodo cum Marco conveniat, vel re vel ordine.

107. Sequitur Matthaeus: Et relictis illis abiit. Et cum venissent discipuli ejus trans fretum, obliti sunt panes accipere. Qui dixit illis: Intuemini, et cavete a fermento Pharisaeorum et Saducaeorum, etc., usque ad illud ubi ait, Tunc intellexerunt quia non dixerit cavendum a fermento panum, sed a doctrina Pharisaeorum et Saducaeorum (Matth. XVI, 5-12). Haec eadem etiam Marcus et eodem ordine digerit (Marc. VIII, 13-21).