|
Exstant sermones isti duo in vetere Corbeiensi codice ante mille, uti
videtur, annos descripto, primus quidem hocce titulo praenotatus:
|
“Incipit sermo sancti Joannis de Consolatione mortis.”
|
|
Secundus
autem primo quam proxime conjunctus absque titulo, nihilque aliud in
fine habens nisi,
|
“Explicit de resurrectione.”
|
|
Caeterum alter iste
sermo tertia parte, qua in ante excusis carebat, auctior nunc primum
prodit ex laudato Corbeiensi exemplari: eaque pars recapitulationem
eorum quae in primo sermone dicta fuerunt, continet, et aliis non
incertis argumentis ad hoc opusculum pertinere cognoscitur. Joannem
porro non alium quam Chrysostomum in fronte sermonis primi designatum
opinamur. Confer homiliam ipsius quadragesimam primam in I Cor.
XV, et homiliam primam in II Cor., et homiliam sexagesimam
primam in Joannem, homiliam denique septuagesimam ad populum
Antiochenum, etc.
|
|
