|
Inter Cypriani quoque opera vulgatus est iste tractatus, auctoritate
veterum aliquot librorum, quorum falsa inscriptione decepti sunt
scriptores antiqui, qui eum nomine Cypriani citant, Jonas
Aurelianensis in libro de Institutione regia, cap. 3, in
Spicilegii tomo 5; Ivo, lib. 8, et Gratianus lib. 23,
quaest. 5, cap. Rex. Augustino autem pauciores Mss. tribuunt,
ut recentior quidam Victorinus. Ejusdem argumenti librum edidit
Hincmarus, latentem adhuc, sed ab hoc tractatu longe differentem.
Patet ex illis de ipso Flodoardi verbis, lib. 3, cap. 18:
|
“Scripsit etiam ad instructionem ipsius regis de duodecim Abusivis,
sanctorum colligens in his dicta patrum et praeteritorum constitutiones
regum: sed et de promissione sua eum admonens, quam verbo ac scripto
antequam rex consecraretur, primatibus et episcopis fecerat.”
|
|
Et
vero Jonas, qui ex subsequente tractatu, gradum nonum in suum, quem
notavimus, librum transtulit, aliquot ante Hincmarum annis
scribebat. Pamelius visum a se librum testatur, in quo tractatus iste
Augustino quidem inscriptus erat, sed in margine habens nomen Ebrardi
cujusdam substitutum. In Victorino et Corbeiensi codice haec super
tractatum leguntur:
|
“Duodecim abusiva sunt saeculi haec: sapiens
sine operibus, senex sine religione, adolescens sine obedientia,
femina sine pudicitia, dominus sine virtute, christianus
contentiosus, pauper superbus, rex iniquus, episcopus negligens,
plebs sine disciplina, populus sine lege. His duodecim abusivis
suffocatur justitia. Haec sunt duodecim abusiva hujus saeculi, per
quae saeculi rota si in illa fuerit decipitur, et ad tartari tenebras,
nullo impediente justitiae suffragio, per justum Dei judicium
rotatur.”
|
|
|
|
