|
Non est tertius in substantia hominis spiritus, sicut Didymus
contendit: sed spiritus ipsa est anima, pro spirituali natura, vel
pro eo quod spiret in corpore spiritus appellatus. Anima vero ex eo
vocatur, quod ad vivendum vel ad vivificandum animet corpus. Tertium
vero qui ab Apostolo cum anima et corpore inducitur, spiritum gratiam
sancti Spiritus esse intelligamus, quam orat Apostolus ut integra
perseveret in nobis, ne nostro vitio aut minuatur aut fugetur a nobis
(I Thess. V, 23); quia Spiritus sanctus effugiet: fictum
(Sap. I, 5).
|
|
