|
Malum vel malitiam non esse a Deo creatam, sed a diabolo inventam:
qui et ipse bonus a Deo creatus est. Sed quia libero arbitrio,
utpote rationalis creatura, commissus est, et cogitandi acceperat
facultatem, scientiam boni vertit ad malum: et multa cogitando factus
est inventor mali: et quod in se perdiderat, invidit in aliis, nec
contentus solus perire, suasit aliis, ut qui esset suae malitiae
inventor, fieret et aliorum auctor: et ex eo malum vel malitia
percurrit in caeteras rationales creaturas.
|
|
