|
70. Non baptizatorum poena quae. Firmissime tene, et nullatenus
dubites, non solum homines jam ratione utentes, verum etiam parvulos,
qui sive in uteris matrum vivere incipiunt et ibi moriuntur, sive jam
de matribus nati sine sacramento sancti Baptismatis, quod datur in
nomine Patris et Filii et Spiritus sancti, de hoc saeculo
transeunt, ignis aeterni supplicio sempiterno puniendos. Quia etsi
peccatum propriae actionis nullum habuerunt, originalis tamen peccati
damnationem carnali conceptione et nativitate traxerunt.
|
|
