|
MACEDONIANI sunt a Macedonio , quos et
PNEYMATOMAKOYS Graeci dicunt, eo quod de Spiritu sancto
litigent. Nam de Patre et Filio recte sentiunt, quod unius sint
ejusdemque substantiae, vel essentiae: sed de Spiritu sancto hoc
nolunt credere, creaturam eum esse dicentes. Hos potius quidam
Semiarianos vocant, quod in hac quaestione ex parte cum illis sint,
ex parte nobiscum. Quamvis a nonnullis perhibeantur, non Deum, sed
deitatem Patris et Filii dicere Spiritum sanctum, et nullam propriam
habere substantiam.
|
|
