|
Quapropter et panem de parvo semine juxta inferiorem rationem in magnam
segetem per longi temporis administrationem innumerabilium hominum
pastum procreat; quem secundum superiorem rationem de materia modica in
momento per benedictionem multiplicat. Sic et pisces per primam
benedictionem multiplicat, quando dictum est, Crescite et
multiplicamini, et replete aquas maris. (Gen. 1, 22). Quorum
nunc carnes per superioris rationis causam, ad turbarum saturitatem
praesenti benedictione multiplicantur (Matth. XIV, 19; Joan.
VI, 11).
|
|
