|
5. Patientiam veram a falsa distinguit causa patiendi. Cum ergo
videris quemquam patienter aliquid pati, noli continuo laudare
patientiam, quam non ostendit nisi causa patiendi. Quando illa bona
est, tunc ista vera est: quando illa non polluitur cupiditate, tunc a
falsitate ista distinguitur. Cum vero illa tenetur in crimine, tunc
hujus multum erratur in nomine. Non enim sicut omnes qui sciunt sunt
participes scientiae, ita omnes qui patiuntur sunt participes
patientiae: sed qui passione recte utuntur, hi patientiae veritate
laudantur, hi patientiae munere coronantur.
|
|
