|
Sero animadvertisti, Zabule. Quid tibi per mulierem visum est
agere, ut dimittatur? Tarde locutus es. Sedet pro tribunali judex:
prolata est sententia: jam portat propriam crucem; ducitur ad mortem.
O spectaculum! Videsne? Ecce principatus super humerum ejus
(Isai. IX, 6). Haec est virga aequitatis, virga regni sui.
Datur ei vinum felle mixtum. Exuitur vestimentis suis, et inter
milites dividuntur. Tunica non scinditur: sed sorte transit ad unum.
Dulces manus ejus et pedes clavis perforantur, et extensus in cruce
inter latrones suspenditur.
|
|
