|
Numquid quia opus erat Adae ut ei conjux fieret, aliter non poterat
fieri, nisi ut dormienti costa detraheretur, ex qua conjux
aedificaretur (Id. II, 20-22)?
RESP.
Poterat Deus etiam aliter facere, sed ideo congruentius judicavit ut
sic faceret, unde aliquid significaretur. Sicut enim dormienti Adae
costa detrahitur ut conjux efficiatur, ita et Christo morienti de
latere sanguis effunditur, ut Ecclesia construatur. Communicando
nempe corpori et sanguini Christi, efficitur Ecclesia Christi
conjux.
|
|
