QUAESTIO LVII.

Quid significat quod omnes montes excelsos supercreverat aqua quindecim cubitis (Gen. VII, 20)?

RESP.

Octo et septem quindecim faciunt. Octo nempe significant resurrectionem, et septem quietem. Hoc itaque mysterium resurrectionis et quietis, supergressum est omnem scientiam superborum sapientium, et nullatenus potuerunt indagare scientiam resurrectionis et quietis.