|
Quid significat quod Noe vir justus plantavit vineam, bibensque vinum
inebriatus est, et nudatus in tabernaculo suo (Gen. IX, 20,
21)?
RESP.
Deus quodam modo plantavit gentem Judaeorum, segregando eam a cunctis
gentibus. Unde et circumcisionis signum indidit, Legem dedit,
sacrificia instituit, se ipsum in carne venturum in Lege praedixit:
sed cui non credentes , vineae suae vino, id est, malitia populi sui
passus est , crucifixus est, sputis illinitus, et illusus. Sed hoc
passus est in tabernaculo suo, id est, in gente sua.
|
|
