|
Tanta dignitas humanae conditionis esse dignoscitur, ut non solum
jubentis sermone, ut alia sex dierum opera, sed consilio sanctae
Trinitatis et opera majestatis divinae creatus sit homo . . . . .
Quapropter quisque diligentius attendat primae suae conditionis
excellentiam, et venerandam sanctae Trinitatis in se ipso imaginem
agnoscat, honoremque similitudinis divinae, ad quam creatus est,
nobilitate morum, exercitio virtutum, dignitate meritorum habere
contendat: ut quando apparuerit qualis sit, tunc similis illi
appareat, qui se mirabiliter ad suam similitudinem in primo Adam
condidit, mirabilius in secundo reformavit.
|
|
