|
Invocat itaque te, Domine, fides mea, quam dedisti mihi propter
bonitatem tuam ad salvationem meam. Fidelis autem anima ex fide
vivit, tenet in spe quod videbit in re. Invocat te, Deus meus,
casta conscientia, et suavis amor fidei meae, quam discussis tenebris
ad veritatis intelligentiam perduxisti, et quam tulta saeculi
amaritudine , atque adhibita tuae dulcedinis charitate, jucundam mihi
et mellifluam reddidisti. Invocat te, Trinitas beata, vox clara,
et sincerus amor fidei meae; quam ab ispis mihi enutriens cunabulis
illuminasti semper per illustrationem gratiae tuae, et quam adaugens
confirmasti in me per documenta matris Ecclesiae. Te invoco, o beata
et benedicta et gloriosa una Trinitas , Pater et Filius et Spiritus
sanctus, Deus, Dominus, Paracletus; charitas, gratia,
communicatio; genitor, genitus, regenerans; verum lumen, verum
lumen ex lumine, vera illuminatio; fons, flumen, irrigatio; ab uno
omnia, per unum omnia, in uno omnia; a quo omnia, per quem omnia,
in quo omnia; vivens vita, vita a vivente, vivificator viventium;
unus a se, unus ab uno, unus ab ambobus; ON a se, ON ab altero,
ON ab utroque; verax Pater, veritas Filius, veritas Spiritus
sanctus. Una ergo Pater, LOGOS, Paracletus essentia, una
virtus, una bonitas.
|
|
