QUAESTIO XVIII

Cur Salomon spiritum sapientiae habuit (III Reg. III), cum vitam mundam non habuit? valde enim mulieribus delectabatur, ac per hoc peccabat (Id. XI).

Primum merito suo accepit spiritum prudentiae: postea vero quam mulieribus nimium coepit uti, et per hoc peccare, si habuit spiritum sapientiae, regni merito habuit; sicut et Nabuchodonosor regni merito in camino Christum vidit.