|
Quid est ut cum Salvator omnes prope verbo
curasset, caeco tamen per lutum de sputo factum oculos reformarit
(Joan. IX, 6, 7)?
Hoc Salvator ad confusionem illorum fecit, qui Creatorem accusant.
Quando enim non aliter vitium accidens corpori emendavit quam Conditor
fecit, auctorem operis hujus commendavit. Per id enim emendavit, quo
erat conditum. Omne enim quod fit, si lapsum per id quod fuerat
factum reformetur, rectum factum probabitur. Si enim Salvator per
hoc se Deum testatur, quia damna et vitia corporis emendavit, quanto
magis Deus est qui ipsius corporis inventor est?
|
|
