QUAESTIO VIII

Cur Salvator tentanti se diabolo non aliter quam exemplis Legis resistit (Matth. IV, 4-10)?

Salvator non solum diabolo tentanti respondit, sed et Judaeis per quos crudelitatis suae impietatem egit in Salvatorem. Praescius enim Judaeos se inimicum Legis dicturos, patris eorum impudentiam diaboli, testimoniis Legis compressit, ut patrem in filios, et filios in patrem condemnaret.