|
Quomodo Scriptura dicit
quod vidit Sichem filius Emmor Evaei , princeps terrae, Dinam
filiam Jacob, et accepit eam, et dormivit cum ea, et humiliavit
eam: et intendit animo Dinae filiae Jacob, et adamavit virginem, et
locutus est secundum sensum virginis ipsi ? Quomodo virgo appellatur,
si jam cum illa dormierat, eamque humiliaverat? Nisi forte virgo
nomen aetatis est secundum hebraeum eloquium: an potius per
recapitulationem postea commemoratur quod primo factum est? Prius enim
potuit intendere animae ipsius et amare virginem, et loqui secundum
sensum virginis, et deinde cum illa dormire, eamque humiliare.
|
|
