|
Et videns procucurrit in
obviam illis ab ostio tabernaculi sui, et adoravit super terram, et
dixit: Domine, si inveni gratiam ante te, ne praetereas servum
tuum. Quaeritur cum tres viri essent qui ei apparuerant, quomodo
singulariter Dominum appellet, dicens, Domine, si inveni gratiam
ante te: an intelligebat unum ex eis Dominum, et alios angelos: an
potius in angelis Dominum sentiens, Domino potius quam angelis loqui
elegit: quia uno ex tribus cum ipso Abraham postea remanente, duo
mittuntur in Sodomam, et illis sic loquitur Loth tanquam Domino.
|
|
