|
Vox angeli de coelo ad
Abraham, Ne injicias manum in puerum, neque facias ei quidquam.
Modo enim cognovi, quoniam timeas Deum tu; etiam ista quaestio
simili locutione solvitur: hoc est enim, Nunc cognovi, quoniam
timeas Deum tu, quod significat, Nunc te feci cognoscere. In
consequentibus autem hoc genus locutionis evidenter apparet, ubi
dicitur, Et vocavit Abraham nomen loci illius, Dominus vidit; ut
dicant hodie, In monte Dominus apparuit. Vidit, pro eo quod est
apparuit, hoc est vidit, pro eo quod est videri fecit; significans
per efficientem id quod efficitur, sicut frigus pigrum quod pigros
facit.
|
|
