|
Exsurgens autem Abraham adoravit
populum terrae. Quaeritur quomodo scriptum sit, Dominum Deum tuum
adorabis, et illi soli servies (Deut. VI, 13; X, 20);
cum Abraham sic honoraverit populum quemdam gentium, ut etiam
adoraret. Sed animadvertendum est in eodem praecepto, non dictum,
Dominum Deum tuum solum adorabis, sicut dictum est, Et illi soli
servies, quod est graece LATREYSEIS. Talis enim servitus
nonnisi Deo debetur. Unde damnantur idololatrae, id est, ejusmodi
servitutem exhibentes idolis, quae debetur Deo. Nec moveat quod alio
loco in quadam Scriptura prohibet angelus hominem adorare se, et
admonet ut Dominus potius adoretur (Apoc. XIX, 10). Talis
enim apparuerat angelus ut pro Deo posset adorari; et ideo fuerat
corrigendus adorator.
|
|
