|
Quid est quod ait, cum de arcae
fabricatione loqueretur, Inferiora bicamerata et tricamerata facies
eam ? Non enim inferiora futura erant bicamerata et tricamerata. Sed
in hac distinctione totam instructuram ejus intelligi voluit, ut
haberet inferiora, haberet et superiora inferiorum quae appellantur
bicamerata; haberet et superiora superiorum, quae appellavit
tricamerata. In prima quippe habitatione, id est in inferioribus,
semel camerata erat arca; in secunda vero habitatione supra inferiorem
jam bicamerata erat, ac per hoc in tertia supra secundam sine dubio
tricamerata erat.
|
|
