|
Iratus quidem Moyses
videtur tabulas testimonii digito Dei scriptas collisisse atque
fregisse; magno tamen mysterio figurata est iteratio Testamenti,
quoniam Vetus fuerat abolendum, et constituendum Novum. Notandum
sane quanta pro populo ad Deum supplicatione laboraverit, qui tam
severus in eos vindicando exstitit. Quod autem in ignem missum vitulum
fusilem contrivit, et in aquam sparsit, quam populo potum dedit, quid
nobis videatur significare, jam alibi scripsimus in opere contra
Faustum Manichaeum (Lib. 22, cap. 93).
|
|
