|
Deus in monte duas rursus
lapideas tabulas conscripturo dicit Moysi inter caetera, Coram omni
populo tuo faciam gloriosa. Nondum dignatur dicere, Coram omni
populo meo. An ita dixit, populo tuo, quomodo cuilibet homini
ejusdem populi diceretur, id est, Ex quo populo es: quomodo,
Civitati tuae dicimus, non cui dominaris, vel quam constituisti, sed
unde civis es? Sic enim et paulo post dicit, Omnis populus, in
quibus es: alio modo quid dictum est, nisi, populus tuus? Quod
autem non dixit, In quo es, consuetudo locutionis est.
|
|
