|
Cum de sabbato praecepisset,
quid est quod adduxit, Satione et messe requiesces? Videtur enim
dicere, Tempore sationis et messis. An forte ita observandam requiem
sabbati praecepit, ut nec illa tempora habeant excusationem, quae
agricolis valde sunt necessaria propter victum atque vitam? Jussum est
ergo ut etiam tempore sationis et messis, quando multum urget
operatio, requiescatur in sabbato: ac sic per haec tempora, quae opus
plurimum flagitant, significatum est, omni tempore sabbato debere
cessari.
|
|
