|
Et omnes qui sponte
vellent ire ad opera, ut consummarent ea, et acceperunt a Moyse omnes
demptiones . In notitiam tantum Moyses pertulit quae Dominus opera
fieri praeceperit, tabernaculum scilicet cum omnibus quae in eo
essent, et vestes sacerdotales . Commemoravit autem quosdam, quibus
dixit Spiritum divinitus datum, quo illa efficere possent: et tamen
multi intelliguntur sponte ad eadem opera venisse quibus neque imperatum
est, nec eorum nomina commemorata sunt a Domino dicta Moysi. Non
ergo illi soli hoc munus divinitus habuerunt, qui nominatim
commemorantur, sed fortasse praecipue atque excellentius. Laudandus
est autem in his omnibus non attractus ad opus serviliter animus, sed
liberaliter et sponte devotus.
|
|
