XLIII. [Ib. XIII, 4, 7, 2.]

Si autem lucidus albus erit in cute coloris ejus , et humilis non fuerit aspectus ejus a cute. Lucidus albus subauditur tactus, id est, illa macula coloris, non pilus. Quod postea dicit, Si autem conversa mutata fuerit significatio in cute; hanc dicit significationem, quod superius signum in latino legitur. Nam graecus et supra et hic uno eodemque verbo usus est, SEMASIAN dicens.