|
Verba quae Scriptura dicit mulieri a
sacerdote dicenda, quando a suspicione adulterii eam maritus adducit,
Det eam Dominus in maledictum et in exsecramentum, graecus habet
ENORKION. Quo verbo videtur significari juramentum per
exsecrationem; velut si quisquam dicat, Sic non mihi illud et illud
contingat: vel certe ita juret, Illud et illud mihi contingat, si
fecero, vel non fecero. Ita hoc dictum est, Det te Dominus in
maledictum et in exsecramentum, tanquam diceretur, ut de te jurent
quae per exsecrationem jurabunt; sic non eis contingat, aut, hoc eis
contingat, nisi hoc aut illud fecerint .
|
|
