|
Quid est quod cum Deus
praeciperet Moysi de Jesu Nave, ait inter caetera, Et dabis de
gloria tua super eum? Nam graeca locutione TES DOXES habet,
quod tantumdem valet ac si diceret de gloria, id est APO TES
DOXES. Latini autem nonnulli interpretati sunt, dabis gloriam
tuam; non, de gloria tua. Sed sive illud esset, ut gloriam tuam
diceret, non ideo eam non habiturus erat Moyses; nec quia dixit, de
gloria, ideo minutum est quod habebat. Sic enim accipiendum est, ac
si diceret, Facies eum socium gloriae tuae: non autem hujusmodi res,
quasi partiliter divisae, minuuntur; sed totae sunt omnibus, totae
singulis qui earum habent societatem.
|
|
