|
Incerti auctoris est istud aliud Speculum, et Augustini aetate multo
posterioris. Patet ex illis verbis, capite 7:
|
“Et satanas ausus
fuit cum furore impetum facere in sanctissimam beati Martini animam,
qui erat, ut dicitur, gemma sacerdotum:”
|
|
quae nimirum verba
respiciunt in Martini laudes ab Odone Cluniacensi abbate
conscriptas. Adde praebendae vocabulum, in capite 7, pro beneficio
Ecclesiastico usurpari, significatu ante saeculum decimum, ut
opinamur, ignoto. Quae praeterea in capite 5 leguntur, ea videntur
supponere Hugonis Victorini librum de Modo orandi, et magnam habere
consensionem cum libro supra excuso de Spiritu et Anima, cumque
opusculo de Conscientia in Bernardi Appendice. Collatus fuit hic
libellus cum duobus Mss. uno bibliothecae Regiae, et S. Medardi
Suessionensis altero, in quo Leo papa citatur.
|
|
