|
Sententias hic habes alias ex Augustino, alias collectas ex aliis
auctoribus, et eas temere nullaque certa ratione ad viginti unius
sententiarum sive quaestionum numerum revocatas: quo fit ut sub eodem
titulo res non raro diversae et minime ad propositum facientes
reperiantur. Nonnulla etiam bis referuntur in tam exiguo libello: nec
absunt soloecismi et indoctae rerum definitiones ac distinctiones, uti
Lovanienses Theologi post Erasmum observarunt. Unicum habuimus
libri hujus manuscriptum exemplar in Michaelino coenobio repertum.
|
|
