|
Quorum quatuor totidem Evangeliorum explicant allegorias; quinque
reliqui litterae ipsius elucidationes aut dubiorum circa eamdem
decisiones.
Primus itaque liber, est de mysteriis contentis in Evangelio divinissimi
Joannis, quia, ut in fine prologi patebit, ab eo auspicari voluit.
Secundus est de mysteriis contentis in Evangelio Matthaei, cum quibusdam
addititiis.
Tertius liber est de mysteriis in Evangelio Marci.
Quartus liber est de mysteriis in Evangelio Lucae.
Quintus liber continet adnotationes elucidatorias Evangelii Joannis.
(Non est Excerptionum compilatoris.)
Sextus continet elucidationes Epistolae Pauli ad Romanos, quam in capita
solita distinximus, ut quam quisque partem requirat, facillime inveniat.
Septimus continet elucidationes ejusdem in Epistolam priorem ad
Corinthios simili de causa in capita distinctam.
Octavus explicat Epistolam secundam ad Corinthios consimiliter divisam.
Nonus continet quaestiones argutissimas, et decisiones eruditissimas
dubiorum occurrentium in omnibus divi Pauli Epistolis.
|
|
