CAP. IV. De electione duodecim apostolorum.

Elegit Dominus duodecim apostolos (Luc. VI), qui sacrae mysteria fidei caeteris manifestando praedicarent. Duodecim constant ex quater tribus, et ter quatuor. Ad hoc ergo elegit Dominus apostolos duodecim, ut per quatuor mundi partes fidem sanctae Trinitatis praedicarent, et credentes ad supernae beatitudinis gloriam convocarent.