|
Ego et Pater unum sumus. Non unus, sed unum, quia illud prius ad
personam, hoc posterius refertur ad naturam, vel essentiam. Est enim
Pater, et Filius ejusdem essentiae. In hoc igitur confunduntur Ariani,
qui dicebant aliud esse Patrem, aliud Filium, aliud Spiritum sanctum. Et
Sabelliani, qui dicebant eumdem nunc esse Patrem, nunc Filium, nunc
Spiritum sanctum, cum vult Patrem, cum vult Filium, cum vult Spiritum
sanctum: quod quidem falsum esse patet, cum Pater sit alius a Filio,
Filius alius a Patre.
|
|
