|
Quando ingressi fueritis terram, et plantaveritis in ea ligna pomifera,
auferetis praeputia eorum. Poma, quae germinant, immunda erunt vobis;
nec comedetis ex eis (Levit. XXXIX). Ligna pomifera, sunt opera perfecta
virtutibus. Praeputia itaque lignorum auferimus, cum de ipsa
inchoationis infirmitate suspecti, primordia operum nostrorum non
approbamus. Poma autem quae germinant, immunda existimamus, nostrisque
cibis non aptamus; quia, cum primordia laudantur boni operis, dignum est
ut animam non pascat operantis, ne dum accepta laude suaviter carpitur,
fructus operis intempestive comedatur.
|
|
