|
Facta civitas sancta dedicatur (I Esdr. XII), cum impleto in fine
saeculi numero electorum Ecclesia universaliter in coelum ad visionem
Conditoris sui introducitur: cujus vitae desideriis quoties in hac vita
sustollimur, quasi de futura civitatis nostrae dedicatione laetamur.
Unde et bifaria dedicatio potest accipi interim, scilicet in spe
desiderantium et mundantium oculos cordis, quibus Deum videant, et tunc
in re ipsa fruentium divina visione beatorum in corporibus spiritualibus
inter angelica agmina.
|
|
