|
Principes patrum dederunt in impensas templi, auri solidos quadraginta
millia, et mille. Argenti minas quinque millia, et vestes sacerdotales
centum (I Esdr. II). Aurum, et argentum, et vestes sacerdotales,
principes patrum secundum vires suas in impensas operum templi offerunt,
cum viri sancti quidquid sapientiae, eloquentiae et actionis bonae
perceperunt, bene vivendo ad aedificationem fidelium conferunt. Certum
est pondus auri et argenti, certus est numerus sacerdotalium vestium, ut
sciamus Deum cogitationes, sermones et actus nosse, et digne remunerare.
|
|
